Ēt muotoė par kėimieli
Sūnaitiū bodintė.
Kelkėt kelkėt, sūnaitelē,
Nebier sesėrelės.
Pabalnuokėt eis ėrgus
Vėsus eis ierus.
Vīkėt vīkėt sesėrelė
Par devīnis kalnus.
Ka prijuosėt alė lonka,
Tėn pasėganīsėt.
Ka prijuosėt sraunė opė,
Tėn pasėgėrdīsėt.
Ka prijuosėt alė gėrė,
Tėn pasėganīsėt.
Ka prijuosėt marga dvara,
Tėn seselė rasėt.
O stalelė basiedontė,
Graudē baverkontė.
ėlka sokniems apriedīta,
ėlkās aptaisīta.
Auksa okuoms sookouta,
Vīno pagėrdīta.
Kad ėr dousėt eis imtus,
Jau neėvadousėt.